कमी रक्तदाबावरचे घरगुती उपाय!

 

च्चरक्तदाबाप्रमाणे कमी रक्तदाब हासुद्धा एक विकार आहे आणि तोही तितकाच गंभीर आहे. धमन्यांमधून वाहणार्‍या रक्ताचा दाब कमी होणं म्हणजे कमी रक्तदाब. तुमचा रक्तदाब 90/60 किंवा यापेक्षा कमी भरत असेल तर कमी रक्तदाबाची समस्या असू शकते. कमी रक्तदाबाची समस्या असलेल्या व्यक्तीच्या मेंदूला आणि इतर अवयवांना रक्ताचा योग्य प्रमाणात पुरवठा न झाल्यानं भोवळ, चक्कर येण्यासारख्या समस्या निर्माण होतात.  

 

कमी रक्तदाबाची कारणं 

भरपूर घाम आल्याने किंवा जुलाब झाल्याने शरीरातील पाणी कमी होणे, उच्च रक्तदाब किंवा इतर आजारांवर घेतली जाणारी औषधं, गंभीर स्वरूपाचा जंतूसंसर्ग, हृदयविकाराचा झटका, हृदय बंद पडणं, गरोदरपणा, मुर्च्छा ही कमी रक्तदाबामागील महत्त्वाची कारणं आहेत. 

 

घरगुती उपाय 

कमी रक्तदाबाच्या समस्येवर डॉक्टरांच्या सल्ल्यानं औषधं घेण्यासोबतच काही घरगुती उपायही करता येतात. 

 

* 30 ते 32 बेदाणे रात्रभर पाण्यात भिजवून ठेवा. सकाळी उठल्यावर हे बेदाणे चावून चावून खा. बेदाणे भिजवलेले पाणीही प्या. 

 

* 7 ते 8 बदाम रात्रभर पाण्यात भिजवून ठेवा. सकाळी बदाम सोलून वाटून घ्या. वाटलेले बदाम एक ग्लास दुधात घालून दूध गरम करा. गरम दूध घ्या. 

 

* तुळशीच्या 10 ते 15 पानांचे तुकडे करून एका कपड्यात बांधून ठेवा. सकाळी उठल्यावर ही पानं एक चमचा मधात घालून हे मिश्रण खा. यानी नक्कीच मदत मिळेल.